Google ADS

KQZ-ja vendos se si do të ndahen 4.2 milionë euro për partitë parlamentare

15:20 | 19 Janar 2023
K.B

Komisioni Qendror i Zgjedhjeve mbajti mbledhjen e dytë për vitin 2023, të kryesuar nga kryetari, Kreshnik Radoniqi.

Në këtë mbledhje, KQZ-ja mori vendim për caktimin e lartësisë së mjeteve nga fondi për mbështetjen e subjekteve politike për periudhën 1 janar – 31 dhjetor 2023.
Shuma e mjeteve për financimin e subjekteve politike dhe për mbështetjen e punës së secilit deputet nga ky fond është në vlerën e përgjithshme: 4,200,000.00 euro.

Në vazhdim të mbledhjes, KQZ-ja mori vendim për miratimin e planit për informim publik për zgjedhjet e jashtëzakonshme për kryetar të komunave: Mitrovicë e Veriut, Zveçan, Leposaviq dhe Zubin Potok si dhe zgjedhjet e parakojshme për kuvendet e komunave Zveçan dhe Leposaviq, të cilat do të mbahen më 23 prill 2023. Në këtë plan, janë të përfshira të gjitha fazat e parapara të procesit zgjedhor.

Në vazhdim të mbledhjes, KQZ-ja shqyrtoi dhe miratoi kërkesën për zëvendësimin e një anëtari të Kuvendit Komunal në Pejë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm